點樣用呢個還款計算機?
- 貸款:輸入本金、期數同每月還款額,會反推出總利息、月平息同實際年利率(APR)
- 信用卡:輸入總欠款、最低還款百分比同年利率(預設34%),計出要供幾耐先還清、總利息幾多
- 供款壓力:填入每月稅後收入,計出供款與入息比率(DSR)
- 清數計劃比較:用較低月平息整合欠款,睇下可以慳返幾多利息
月平息同息隨本減(APR)有咩分別?
簡單講:月平息按原本本金計息,息隨本減按剩餘本金計息,所以月平息0.5%唔等於年利率6%。以36個月為例,月平息0.5%折算成實際年利率(APR)約11%。詳細拆解同對照表,可以睇月平息同息隨本減點計?
還款計算機常見問題
計算機計出嚟嘅結果準唔準?
結果係根據你輸入數字嘅粗略估算,未計手續費、逾期罰息等額外費用;信用卡部分假設按固定金額還款。實際金額以貸款合約或信用卡結單為準。
DSR(供款與入息比率)係咩?
DSR即係每月總供款除以每月收入。數字愈高,代表供款佔收入比例愈大、生活壓力愈大。計算機以約50%及65%作簡單參考,實際審批標準各機構唔同。
月平息0.6%係咪好平?
要睇期數同APR。以36個月計,月平息0.6%折算實際年利率約13%。唔同貸款要用APR比較,先公平。
計出嚟供款壓力好高,點算好?
可以先了解債務重組、DRP或IVA等選擇,睇下IVA申請程序,或者直接WhatsApp免費查詢,由顧問因應你嘅實際情況分析。